En laquelle est contenu tout ce qui peut estre requis pour bastir maison champestre, preveoir les changements & diversitez des temps, medeciner les laboureurs malades, nourir et medeciner bestail, & volaille de toutes sortes, dresser jardin tant potager, medicinal, que parterre, gouverner les mousches à miel, faire conserves, confire les fruicts, fleurs, racines et escorces, preparer le miel, & la cire, planter, enter & mediciner toute sorte d'arbres fruictiers, faire les huiles, distiller les eaux, avec plusieurs pourtraits d'alambics pour la distillation d'icelles, entretenir les prez, viviers & estangs, labourer les terres à grains, façonner les vignes, planter boys de haute fustaye & taillis, bastir la garenne, la haironniere, & le parc pour les bestes sauvages. Plus un bref recueil des chasses du cerf, du sanglier, du lievre, du regnard, du blereau, du counin, & du loup. Et de la fauconnerie